დღეს, 20 ნოემბერს, “პრევენცია პროგრესისათვის (PFP)” და “სამოქალაქო ჩართულობისა და აქტივიზმის ცენტრის (CEAC)” ორგანიზებით, ქალაქ მარნეულის დემოკრატიული ჩართულობის ცენტრში, გაიმართა შეხვედრა ადგილობრივი სამოქალაქო საზოგადოების წარმომადგენლებთან.
შეხვედრაზე იმსჯელეს – ახალგაზრდების საჭიროებებზე და ამ მიმართულებით, ერთობლივი ადვოკატირების სტრატეგიაზე, მარნეულის მუნიციპალიტეტის ბიუჯეტის პროექტში ცვლილებების განხორციელების მიზნით.
გარდა ამისა, გაიმართა დისკუსია – არასამთავრობო ორგანიზაციების საკოორდინაციო საბჭოს შექმნაზე რეგიონში და 2023 წელს, ქალაქ მარნეულში, ევროპული ახალგაზრდული დღეების ჩატარების ინიციატივაზე.
შეგახსენებთ, რომ პროექტს – “მარნეულის ახალგაზრდები ცვლილებებისთვის” ახორციელებს “პრევენცია პროგრესისთვის (PFP)” “სამოქალაქო ჩართულობისა და აქტივიზმის ცენტრთან (CEAC)” ერთად, “ომისა და მშვიდობის გაშუქების ინსტიტუტის (IWPR)” ფინანსური მხარდაჭერით, პროექტის – “მედეგობის გაძლიერება აღმოსავლეთ სამეზობლოში (BREN)” ფარგლებში.
